Nakishkawtouhtawin

Ishpee li mwaw'd Zhawnvyee 2021, awa Li ministr di La zhuschis pi Kischee Okimaw di Kenadaw kee-itashiwawtaw avek ahkikihtawin, ishi peekishkwawtamoowin pi mamawinitowin avek Indigene en partineuz, lee provayns, pi lee territwayr, Indigene La zhuschis Paminikaywin chi-natakouhkawtayk ishpihtayakaskow peewayimiwaywin pi pat rezonab neepawistamakaywin ouschi Indigene li moond didawn ooma la zhuschis paminikaywin.

Mamouwiyawin avek ooma kakayeshkimiwaywin, ouschi 2021-2024, Kenadaw kee-atoushkayw avek Li Promnyee Nawsyoon, Aen Niskimoo pi En Michif alawntour li mambr, neepawistamakaywin mamowitouwina pi lee gouvarnimaw, avek meena li provayns pi li tayritori lee gouvarnimaw, ahkikihtaw li federal Indigene La zhuschis Paminikaywin aykwawnima chikee maenkiw kishtayichikawtaywin poor ahkamay Mamawinitouwin mawscheeymakanouwin. Ouschiyawin ishi oohin takounawin peekishwawtamouwina pi ouschi li ripoor kaw- kaw-miyikawtayk ouschi Li Promnyee Nawsyoon, Aen Niskimoo, pi En Michif lee gouvarnimaw pi mamowitouwina, Kenadaw kee-ahkikihtaw Kischee Kishtayihchikawtaywina Peekishkwawtamoowin Oshihiwaywin ishi en plawn d’ foondawsyoon poor Indigene La zhuschis Paminikaywin. Ooma Indigene La zhuschis Paminikaywin si aykwawnima kisipipayouwin ouschi, pi neekawn en yahkouhtaywin ishi kaw-ripoond ouschi oohin takounawin pi weechi-ahkikihtawin pimipayihtawina.

Sa 26 mawscheeymakanouwin nitawayischikaywina pishkawpastem en seksyoon di neekawnayihtamoowin nishtawinikawtayw ouschi Indigene en partineuz, kushkimihk kishkayistawkoushiwin, ouschiyawin ishi takounawina, poor natakouhkawtamouwin ishpihtayakaskow peewayimiwaywin pi pat rezonab neepawistamakaywin ouschi Indigene li moond didawn ooma La zhuschis paminikaywin. Kishkayistawkoushiwin-ouschiyawin peeshkihtashtaywina kaw-itashtaykihk neekawnayihtamoowina poor mawscheeymakanouwin ouschi Li Promnyee Nawsyoon, Aen Niskimoo pi En Michif weechi-ahkikihtawin en partineuz. Ooma Indigene La zhuschis Paminikaywin, avek sa neekawnayihtamoowin mawscheeymakanouwin nitawayischikaywina pi sa kishkayistawkoushiwin-ouschiyawin peeshkihtashtaywina, itayistakwan katakoowawn. Didawn ooma li dokumawn, peekishkwawtamouwin ishi “Indigene” keema “Li Promnyee Nawsyoon, Aen Niskimoo, En Michif” en partineuz avek Li Promnyee Nawsyoon, Aen Niskimoo, En Michif lee gouvarnimaw pi neepawistamakaywin mamowitouwina, avek meena Indigene Tretee En Partineuz pi Wiya-ikouhk tipaymishouwin Indigene lee gouvarnimaw.