Enn United Nawsyoon Weechihiwaywin Weehtamakaywin ishi Lii Drway ouschi Lii Praymii Nawsyoon Moond

---

Version PDF

Publiée à l’origine par
l’Organisation des Nations Unies
Département des affaires économiques et sociales
Septembre 2007

Pwatawimowin kawmaykihk ouschi ooma Kischi aen Nasawnblee ishpee 13 Septawmbr 2007

[noohpoo reference ishi Kischi Committee (A/61/L.67 akwa Add.1)]

61/295. Enn United Nawsyoon Weechihiwaywin Weehtamakaywin ishi Lii Drway ouschi Lii Praymii Nawsyoon Moond

Ooma Kischi aen Nasawnblee,

Keepishkawpahtem ouschi piikishkwayshtamoowewin ouschi En parsonn Lii drway Li Council aashtew didawn anima pwatawimowin 1/2 ouschi 29 Jwaen 2006 1, ooschi tawnihi ooma Li Council kawmaykihk ooma la parol ouschi Enn United Nawsyoon Weechihiwaywin Weehtamakaywin ishi Lii Drway ouschi Lii Praymii Nawsyoon Moond,

Gishkiskawin ooma pwatawimowin 61/178 ouschi 20 Disawnbr 2006, ooschi tawnima ki disidee aen awshashtaw itayihtamowin ouschi akwa mawhchipayistawin ooschi ooma Weehtamakaywin aen pakitinikawtayw li tawn poor ayiwaak peekishkwaytamowin akouta ouschi, akwa meena disidee aen pooyoue soo itayihtamowin avawn li bout ouschi swesawnt-en nasawnblee ouschi Kischi aen Nasawnblee,

Kawmaykihk ooma Enn United Nawsyoon Weechihiwaywin Weehtamakaywin ishi Lii Drway ouschi Lii Praymii Nawsyoon Moond ashtayw didawn ooma enn annex ishi ooma anoush pwatawimowin.

Enn Annex

Enn United Nawsyoon Weechihiwaywin Weehtamakaywin ishi Lii Drway ouschi Lii Praymii Nawsyoon Moond

Ooma Kischi aen Nasawnblee,

Pishkawpamihtamowin ouschi oomaenn rayzoon akwa la varitee ouschi enn Charter ouschi Enn United Nawsyoon Weechihiwaywin, akwa si boon ashpaymouwayt didawn ooma pooyouwin ouschi pishkayimiwawn kawmaykihk ouschi States ishi tipaymiwayhk avek ooma enn Charter,

Kischi-itwayw aykwawnima lii pramyii nawsyoon moond ki tout paray ishi kuhkiyuw kootaakak li moond, maykwawt nishtawinamowin ooma lii drway ooschi kuhkiyuw li moond aen jeufarawns, aen itayhtumwahk wiyawow jeufarawns, akwa meena aen rispek ekoshiishi,

Kischi-itwayw meena aykwawnima kuhkiyuw li moond weechihiwayw ishi ooma toot sort daafayr akwa lee rishess ouschi pimawtishiwin akwa ka ishi pimaatishihk, tawnima aen e-oushchikawtayk ooma akoushi mawna listwer ouschi en parsonn,

Kischi-itwayw pi meena aykwawnima kuhkiyuw la varitee, enn policies akwa li prachik ishi tipaymiwayhk keemaa kapamihiwahk niikanayshtamakaywin ouschi li moond keemaa pikwawna ishi paminum ouschi tawnshi la nasyoon keemaa lee sort di moond, la rizhyoon, aen ethnic keemaa ka ishi pimaatishiyaahk jeufarawns aykwanihin ki lee zout ras, li scientifically namou tawpway, la lway namou tawpway, mitouni namou miyou-awshin akwa namou-kwaayesh,

Keehtwawm Kischi-itwayw aykwawnima lii pramyii nawsyoon moond, ishi ooma ka awpachistaw ouschi wiyawow lii drway, chi kii pakihtinhk ouschi ka awshihiwayh pikwiitowa ouschi,

Nahkatwayihtum aykwawnima lii pramyii nawsyoon moond ki kwawtakistaw ouschi kaayash ouschi ki mayitoutawkawow aen ouhchipayin, kootaaka kaykwawy, soo payimawn akwa mashkemikawin ouschi wiyawow la tayraen, li tayritori akwa weechihiwaywina, akwawnima ouhchi nakinikatayw aen awpachistaw, awn dawn kischi, soo lii drway aen oushtawhk ishi tipaymiwayhk avek soo saprawn chi-ayawhk akwa ninahihtamowin,

Nishtawinamowin ooma li pleu vitr saprawn chi-ayawhk aen rispek akwa niikaan ahikaashtayw ooma miika shoowin lii drway ouschi lii pramyii nawsyoon moond tawnima ootinikatayw ouschi soo aen lee poulichik, aen akwa social ka ishchikatayk akwa ooschi ka ishi pimaatishihk, spiritual nakaayashkumowina, listwer akwa philosophies, waawish soo lii drway ishi wiiyawow aen la tayraen, li tayritori akwa weechihiwaywina,

Nishtawinamowin meena ooma li pleu vitr saprawn chi-ayawhk aen rispek akwa niikaan ahikaashtayw ooma lii drway miikashoowin ooschi lii pramyii nawsyoon moond wiihtamakaywin didawn tretee, awn nagrimawn akwa kootaakak ka awpatuhk paree ka-ashtawhk avek States,

Nakishkatamowin ooma la vayritee aykwawnima lii pramyii nawsyoon moond ka mamowwiitowuk wiyawow poor lee poulichik, manawchischikayhk, social akwa ka ishi pimaatishiyaahk kawmiyokistayw nawut akwa poor ishi aen li bout ouma kuhkiyuw ki sort ouschi ka awshihiwayh akwa payzawn pikou ishpee astaywa,

Sartaen aykwawnima ka paminuhk lii pramyii nawsyoon moond ouschi ka oushtawhk ka moushtawchik wiyawow akwa wiyawow la tayraen, li tayritori akwa weechihiwaywina aen pakitinikawshoowak wiyawow chikenawayhtahk akwa pleu for wiyawow aen institutions, ka ishi pimaatishihk akwa nakaayashkumowina, akwa aen awnkourazhee wiyawow aen oushtawhk ishi tipaymiwayhk avek wiyawow kaykwuy kawwee-ayawchik akwa saprawn chi-ayawhk,

Nishtawinamowin aykwawnima rispek poor lii pramyii nawsyoon kishkayistamowin, ka ishi pimaatishihk akwa kaayaash li prachik weechihiwayw ishi i loon jeuree akwa nayikoohk ka oushtawhk akwa kwayesh aen paminamihk ouschi itaykawweekihk,

Mitouni shinishtoustamoohiwayhk ooma weechihiwaywin ka mashashkoupitiwayk ouschi la tayraen akwa li tayritori ouschi lii pramyii nawsyoon moond ishi la pay, manawchischikayhk akwa aen social ayshkum atimyeupayiwin akwa oushtawhk, nishtoostumowin akwa miyou weechaytouwin parmi aen nawsyoon akwa li moond ouschi la tayr,

Nishtawinamowin awn dawn kischi ooma lii drway ouschi lii pramyii nawsyoon a famee akwa a lawntour aen kakanwayistam en pawr pishkayimiwawn poor ooma oohpikihowasowin, chikishinahamawkayhk, a l’ikol kawtouhtayhk akwa miyou-ayowin ouschi wiyawow lee zawnfawn, ki veu gawnyee avek ooma lii drway ouschi aen zanfawn,

Itaystamowin aykwawnima ooma lii drway Kischi-itwaywin didawn tretee, awn nagrimawn akwa kootaakak awpatun paree ka-ashtawhk awntor deu States akwa lii pramyii nawsyoon moond aykwanihin, didawn awtist chi-ishpayinwin, li troub ouschi misiiweeshkamik nakatoohkewin, ninahihtamowin, pishkayimiwawn akwa ka ishaayahk,

Itaystamowin meena aykwawnima tretee, awn nagrimawn akwa kootaakak awpatun paree ka-ashtawhk, akwa ooma ishi miyeu wiichayhtoowin wiyawow ka neepawihk pour, aywanihin ooma ouschi tawnshi poor a pleu fore ka neepawihk pour awntor deu lii pramyii nawsyoon moond akwa States,

Noushtouhtamowin aykwawnima ooma enn Charter ouschi Enn United Nawsyoon Weechihiwaywin, ooma misiiweeshkamik Covenant ishi Manawchischikayhk, aen Social akwa ka ishi Pimaatishiyaahk Lii drway2 akwa ooma Misiiweeshkamik Covenant ishi Civil akwa Lee poulichik Lii drway, 2 akwa meena ooma Vienna Weehtamakaywin akwa aen Plawn ouschi Mawhchipayistawin, 3 Kischi-itwayw ooma Kischi aenportaan ouschi lii drway ishi wiiya-tipaymishou ouschi kuhkiyuw li moond, ishi l’oneur ouschi tawnima wiyawow voulay chi kii kishkayhtakwunlee poulichik pozisyoon akwa voulay nawashwaywin wiyawow ka manawchischikayhk, aen social akwa ka ishi pimaatishiyaahk ka oushtawhk,

Mitouni kishkishitoutawaywin aykwawnima namawkaykwuy didawn ooma Weehtamakaywin aen ki awpatun ka awnwayhta pikwiitowa li moond wiyawow soo lii drway ishi wiiya-tipaymishou, ka awpachistahk didawn aen conformity avek misiiweeshkamik la lway,

Sartaen aykwawnima ooma nishtawiniwaywin ouschi lii drway ouschi lii pramyii nawsyoon moond didawn ooma Weehtamakaywin ki weechihtaw sa kord baen akwa nihtaw miyeu weechihiwayw awntor deu ooma State akwa lii pramyii nawsyoon moond, mishkikatew ishi la varitee ouschi la zhuschis, democracy, rispek poor en parsonn lii drway, noo-ka awshihiwayh akwa miyeu ashpaymouwayt,

Awnkourazhee States aen pimichishaha avek akwa aen atoushkaymakuhk awnfors kuhkiyuw wiyawow pishkayimiwawn aen ashtayw ishi lii pramyii nawsyoon moond awntsoor misiiweeshkamik apacihchikanaa, awn dawn kischi aykwanihi paray ishi en parsonn lii drway, didawn wiihtamakaywwin akwa mamaawinitowin avek ooma li moond kanahkatwayemihchik,

Mitouni shinishtoustamoohiwayhk aykwawnima ooma Enn United Nawsyoon Weechihiwaywin ayow aenportaan akwa ahkaami atoushkaywin ayow didawn awnkourazhee akwa kenawayhchikayt ooma lii drway ouschi lii pramyii nawsyoon moond,

Tawpwaystamowin aykwawnima ooma Weehtamakaywin aywawnima awaashtay nawut aenportaan aen step anavaan poor ooma nishtawiniwaywin, niikaan ahikaashoowin akwa kenawyimowin ouschi lii drway akwa aen tipaymishoowin ouschi lii pramyii nawsyoon moond akwa didawn ooma ka oushtawhk ka nahi ashtayk atoushkaywin ouschi Enn United Nawsyoon Weechihiwaywin aen system didawn ooma la plaes,

Nishtawinamowin akwa keehtwawm Kischi-itwayw aykwawnima lii pramyii nawsyoon pikwawna ki pakitinikashoo noohpoo ka awshihiwayh ishi kuhkiyuw en parsonn lii drway nishtawinakwan didawn misiiweeshkamik la lway, akwa aykwawnima lii pramyii nawsyoon moond tipayihtam si pa rarw lii drway tawnihi si pa insisayr poor wiyawow epimawtishihk, miyou-ayowin akwa aenportaan ka oushtawhk ishi li moond,

Nishtawinamowin aykwawnima ooma chi-ishpayinwin ouschi lii pramyii nawsyoon moond mamayshkoot ouschi li piyee isi li piyee akwa ouschi li tayraen ishi li tayraen akwa aykwawnima ooma rawr ouschi la nasyoon akwa li tayraen ispray akwa mamayshkoot listwer akwa ka ishi pimaatishiyaahk pikou ita kawayawhk chikee outinikatayk ishi itayihtamowin,

Siirieu chiweehchikawtayk ooma pishkaapahtam Enn United Nawsyoon Weechihiwaywin Weehtamakaywin ishi Lii Drway ouschi Lii Praymii Nawsyoon moond ishi aen standard ouschi keekashkistawin chikee nawashwayw didawn aen l’ispree mamaawinitowin akwa gischeetayimitouwin:

Aen narchik 1

Lii pramyii nawsyoon moond ayowak ooma lii drway ishi ooma mitouni mweuwawtamowin, ishi aen si pa rarw keemaa ishi pikwawna, ouschi kuhkiyuw en parsonn lii drway akwa kischi aenportaan tipaymishoowin ka ishi nishtawinakwan didawn ooma enn Charter ouschi Enn United Nawsyoon Weechihiwaywin, ooma Universal Weehtamakaywin ouschi En parsonn Lii drway 4 akwa misiiweeshkamik en parsonn soo lii drway ishi la lway.

Aen narchik 2

Lii pramyii nawsyoon moond akwa pikwawna aykwawnikik aen pakihtinhk akwa tout paray ishi kuhkiyuw kootaakak li moond akwa pikwawna akwa ayowak ooma lii drway aen ki pakihtinhk ouschi pikwiitowa ouschi ka awshihiwayh, didawn ooma ka awpachistaw ouschi wiyawow lii drway, awn dawn kischi aykwawnima mishkikatew ishi wiyawow lii pramyii nawsyoon tawnshi soo nasyoon keemaa nishtawinikashoowin.

Aen narchik 3

Lii pramyii nawsyoon moond ayowak ooma lii drway ishi wiiya-ikoo ahkamayihtumowin. L’oneur ouschi aykwawnima lii drway wiyawow voulay chi kii kishkayhtakwunwiyawow lee poulichik pozisyoon akwa voulay nawashwaywin wiyawow manawchischikayhk, aen social akwa ka ishi pimaatishiyaahk oushtawhk.

Aen narchik 4

Lii pramyii nawsyoon moond, didawn awpachistaw wiyawow lii drway ishi wiiya-ikoo ahkamayihtumowin, ayowak ooma lii drway ishi namoo aashpayimoowin keemaa wiiya-ikoo tipaymishouwin didawn kaykwuy ay-ishpayihk ouschi wiyawow didawn akwa mouhchi outa ishihchikewin, akwa meena ayshitoutamihk akwa en mayaenr eshitootamihk poor aen mawachihawt soo laarzhaan namoo awiyuk aashpayimoo.

Aen narchik 5

Lii pramyii nawsyoon moond ayowak ooma lii drway chikenawayhtamihk akwa pleu poor wiyawow ispray lee poulichik, si la lway, manawchischikayhk, aen social akwa ka ishi pimaatishiyaahk institutions, maykwawt kakanwayistamwak wiyawow lii drway ishi mitouni aen weechihiwayw, kishpin nawashoonam, didawn ooma lee poulichik, manawchischikayhk, aen social akwa ka ishi pimaatishiyaahk pimawtishiwin ouschi State.

Aen narchik 6

Kahkiyuw lii pramyii nawsyoon pikwawna ayowak ooma lii drway ishi lee sort di moond.

Aen narchik 7

1. Lii pramyii nawsyoon pikwawna ayowak ooma lii drway ishi pimawtishiwin, avik lee kor akwa l’ispree, tipaymishouwin akwa aen kanawayimishowin ouschi en parsonn.
2. Lii pramyii nawsyoon pikwawna ayowak ooma si pa rarw lii drway ka pimawtishiw aen tipaymishoohk, la pay akwa aen kanawayimishowin ishi ispray li moond akwa ka-namou wiya ayndawayishchikashoo ishi pikwiitowa itootamowin ouschi kawmishinipahihchik keemaa pikwiitowa kootaakak itootamowin ouschi la shikaan, meena il a forsee mahkwatinikawtaywin lee zawnfawn ouschi en bawnd ishi aen nout en bawnd.

Aen narchik 8

1. Lii pramyii nawsyoon moond akwa pikwawna ka ayowak ooma lii drway namou wiya ki ayndawayishchikashoo ishi la force ka mamawiitowuk toot sort di nawsyoon keemaa peekounikaywin ouschi wiyawow ka ishi pimaatishihk.
2. States ka-pakitinam aen awpatun paaminikaywin poor kipihtinikewin ouschi, akwa meeshahikaywin poor:
   1. Pikwiitowa mawhchipayistawin aykwawnima ka itwahikatwayw keemaa itochikemakan ouschi soo mashkemikaywin ouschi wiyawow l’ispree ishi ispray li moond, keemaa ouschi wiyawow ka ishi pimaatishiyaahk la valeur keemaa tawnshi soo la nawsyoon;
   2. Pikwiitowa mawhchipayistawin aykwawnima ka itwahikatwayw keemaa itochikemakan ouschi mashkemikaywin ouschi wiyawow la tayraen, li tayritori keemaa weechihiwaywina;
   3. Pikwiitowa ouschi la force ouhpimaen dishahoukaywou aykwawnima ka itwahikatwayw ooma keemaa itochikemakan ishi peekounikaywin keemaa undermining pikwiitowa ouschi wiyawow lii drway;
   4. Pikwiitowa ouschi la force ka mamawiitowuk toot sort di nawsyoon keemaa ka mamawiitowuk;
   5. Pikwiitowa ouschi ouschitow ka keeyawshkiwin ishi awnkourazhee keemaa ouhpihiwaywin lee sort di moond keemaa tawnshi la nawsyoon ka awshihiwayh dret akouta ishi wiyawow.

Aen narchik 9

Lii pramyii nawsyoon moond akwa pikwawna ayowak ooma lii drway tipayyistam ishi aen lii pramyii nawsyoon a lawntour keemaa nawsyoon, ishi tipaymiwayhk avek ooma nakaayashkumowina akwa aen customs ouschi a lawntour keemaa nawsyoon kanahkatwayemihchik. Noo ka awshihiwayh pikwiitowa ouschi aen ki aashtaywa ouschi ooma ka awpachistaw isti lii drway.

Aen narchik 10

Lii pramyii nawsyoon moond ka-namou wiya aen il a forsee mahkwatinikashoowak ouschi wiyawow la tayraen keemaa li tayritori. Noo pichiwin ka-ay-ishpayihk noohpoo ooma ka pakihtam, avawn akwa weehhtam la parmisyoon ouschi lii pramyii nawsyoon moond kanahkatwayemihchik akwa apray weehhtamakaywin ouschi akwa miyeu tipahikaywin akwa, tawnday si posib, avek ooma nawashoonikewin ishi ashaykeewaywin.

Aen narchik 11

1. Lii pramyii nawsyoon moond ayowak ooma lii drway aen prachik akwa keestwawm wiyawow soo cultural nakaayashkumowina akwa aen cus¬toms. Avek ooma lii drway chikenawayhtamihk, kenawyihtam akwa aen oushistawin ooma epen, anoush akwa li tawn ki vyaen wawpahchikawtaywin ouschi wiyawow ka ishi pimaatishihk, isti aen ar¬chaeological akwa kaayash ouschi en plaes, vre vyay, itashinihikataywin, aen seremounee, aen technologies akwa la veu akwa aen performing arts akwa chi-ayamihtawk.
2. States ka-pakitinam meeshahikaywin shawpou aen awpatun paaminikaywin, tawnihi aen ki meena tipahamawkumiwin, oushistawhk didawn shakamohtawin avek lii pramyii nawsyoon moond, avek rispek ishi wiyawow ka ishi pimaatishiyaahk, mishikishkaytamowin, la rizhyoon akwa amihayshtoutawin li byaen ka outinikatayk noohpoo wiyawow pakihtinahhk, avawn akwa weehhtam la parmisyoon keemaa didawn peekounikaywin ouschi wiyawow soo la lway, nakaayashkumowina akwa aen customs.

Aen narchik 12

1. Lii pramyii nawsyoon moond ayowak ooma lii drway ishi wawpahchikawtayk, aen awpachistaw, oushistawin akwa chikishinahamawkayt wiyawow soo amihayshtoutawin akwa la rizhyoon nakaayashkumowina, aen customs akwa aen seremounee; ooma lii drway chikenawayhtamihk, kenawyihtam, akwa ayow peehtikwaywin didawn tosal ishi wiyawow la rizhyoon akwa ka ishi pimaatishiyaahk en plaes; ooma lii drway ishi ooma awpachistaw akwa ka paminuhk ouschi wiyawow aen aen seremounee kaykwuyi; akwa ooma lii drway ishi ooma ashaykeewaywin ouschi wiyawow en parsonn soon kor.
2. States ka-natounikayw ishi aen pakitinamwak ooma peehtikwaywin akwa/keemaa ashaykeewaywin ouschi aen seremounee kaykwuyi akwa en parsonn soon kor didawn wiyawow kaw-ayowak shawpou miyeu, shawpounawkwun akwa aen awpatun paaminikaywin ka oushistawhk didawn shakamohtawin avek lii pramyii nawsyoon moond kanahkatwayemihchik.

Aen narchik 13

1. Lii pramyii nawsyoon moond ayowak ooma lii drway ishi keestwawm, awpachistaw, oushistawin akwa shipwaychisaha ishi li tawn ki vyaen awn partawn li moud soo wiyawow listwer, la lawng, peekishkwaywin nakaayashkumowina, philosophies, oushpayhikaywin aen system akwa chi-ayamihtawk, akwa ishi nawashoonam akwa kakanwayistam wiyawow soo ka tipayhtahk aen noo poor a lawntour, la plaes akwa en parsonn.
2. States ka-outinam aen awpatuhk la sort ishi aen kayshchinahoo aykwawnima ooma lii drway aen kenawayhchikaytew akwa meena ishi aen kayshchinahoo aykwawnima lii pramyii nawsyoon moond ki nashitoohtahk akwa ki nishitoohtawaw didawn lee poulichik, si la lway akwa kawpaminuhk lii lway di piyii, itay si nisisayr shawpou ooma lii lway di piyii I va awnturpretee keemaa ouschi kootaaka nahiyokohk ayshitoutamihk.

Aen narchik 14

1. Lii pramyii nawsyoon moond ayowak ooma lii drway ishi aen oushistawchik akwa ka paminuhk wiyawow a l’ikol aen systems akwa en maenzoon d’ikol pakitinamwuk a l’ikol kawtouhtayhk didawn wiyawow soo la lawng, didawn nahiyokohk nahkatwayihtumowina ishi wiyawow soo cultur¬al ayshitoutamihk ouschi chikishinahamawkaywin akwa kishkayhtamowin.
2. Lii pramyii nawsyoon pikwawna, waawish lee zawnfawn, ayowak ooma lii drway ishi kuhkiyuw aen ishchikatayk akwa ki sort ouschi a l’ikol kawtouhtayhk ouschi State noohpoo ka awshihiwayh.
3. States ka-ki, didawn shakamohtawin avek lii pramyii nawsyoon moond, outinamwuk aen awpatun la sort, didawn aykwawnima poor lii pramyii nawsyoon pikwawna, waawish lee zawnfawn, meena aykwanikik ka weekichik pahkaan wiyawow a lawntour, aen ayowak peehtikwaywin, kiishpin si posib, ishi aen a l’ikol kawtouhtayhk didawn wiyawow ouschi ka ishi pimaatishihk akwa pakitinikatayw didawn wiyawow soo la lawng.

Aen narchik 15

1. Lii pramyii nawsyoon moond ayowak ooma lii drway ishi ooma aykishchiitaymoowin akwa toot sort daafayr ouschi wiyawow ka ishi pimaatishihk, nakaayashkumowina, listwer akwa kaykwuy kawwee-ayawchik tawnihi ka-ki nahiyokohk wawpastahiwayw didawn a l’ikol kawtouhtayhk akwa li public wiihtamakaywin.
2. States ka-ki outinamwuk aen awpatun la sort, didawn wiihtamakaywwin akwa mamaawinitowin avek ooma lii pramyii nawsyoon moond kanahkatwayemihchik, ishi kawnoutinahk paakwatitowin akwa wayawaypinam ka awshihiwayh akwa ishi awnkourazhee awnjeuree, nishtoostumowin akwa miyou weechaytouwin parmi lii pramyii nawsyoon moond akwa kuhkiyuw kootaakak enn seksyoon ouschi sasitee.

Aen narchik 16

1. Lii pramyii nawsyoon moond ayowak ooma lii drway ishi aen oushistawchik wiyawow soo media didwan wiyawow soo la lawng akwa to have peehtikwaywin to kuhkiyuw ki sort ouschi noo-lii pramyii nawsyoon me¬dia noohpoo ka awshihiwayh.
2. States ka-ki outinamwuk aen awpatun la sort ishi aen kayshchinahoo aykwawnima State-katipayhtaahk media kwayesh aen naakatwayihtamihk lii pramyii nawsyoon soo cultural toot sort daafayr. States, noohpoo paakwatitowin ishi kayshchinahoowin mitouni aen tipaymishoohk ouschi aen expression, ka-ki awnkourazhee tosael tipayihchikewin media ishi aen mitouni aen ishi pishishkapahtahk lii pramyii nawsyoon ka ishi pimaatishiyaahk toot sort daafayr.

Aen narchik 17

1. Lii pramyii nawsyoon pikwawna akwa li moond ayowak ooma lii drway aen mitouni myeuwawta kuhkiyuw lii drway aen oushistawhk awntsoor nahiyokohk misiiweeshkamik akwa domestic atoushkaywin la lway.
2. States ka-ki didawn wiihtamakaywwin akwa mamaawinitowin avek lii pramyii nawsyoon moond outinamwuk ispray la sort ishi kenawyihtam lii pramyii nawsyoon lee zawnfawn ouschi manawchischikayhk awpachistawmohiwaywin akwa ouschi aen oushistawhk pikwiitowa atoushkaywin aykwawnima sas pour a baen riskee keemaa ishi naakinam avek ooma aen zawnfawn soo a l’ikol kawtouhtayhk, keemaa meena mawyitoutawkou ooma aen zawnfawn soo la sawntee keemaa avik lee kor, aen mashkawatishiwin, amihayshtoutawin, aen moral keemaa aen social ka-oushtawhk, tawnishi ishi aen pishishkapahtahk wiyawow kischi lee febless akwa ooma Kischi aenportaan ouschi a l’ikol kawtouhtayhk poor wiyawow tipaymishouwin.
3. Lii pramyii nawsyoon pikwawna ayowak ooma lii drway namou wiya aen ayndawayishchikashoo ishi pikwiitowa kishkaytamowin paakwatitowin ishi atoushkaywin akwa, kootaaka kaykwawy, atoushkaywin keemaa la pay.

Aen narchik 18

Lii pramyii nawsyoon moond ayowak ooma lii drway ishi aen weechihiwayw didawn la lway ooshihtawin didawnnakatoohkewin tawnihi aen ki ayimiman ishi wiyawow soo lii drway, shawpou piihkishkwayshtamaakew ka ki nawashoonahk ouschi wiyawow ishi tipaymiwayhk avek wiyawow ouschi paaminikaywin, akwa meena chikenawayhtamihk akwa oushistawin wiyawow ouschi lii pramyii nawsyoon la lway ooshihtawin li institutions.

Aen narchik 19

States ka-ki wiihtamakayw akwa mamaawinitowin didawn miyeu ashpaymouwayt avek ooma lii pramyii nawsyoon moond kanahkatwayemihchik shawpou wiyawow ouschi piihkishkwayshtamaakewin li institutions didwan ishi aen ootihtikoo wiya soo pour aryaen, avawn akwa weehhtam la parmisyoon avawn li tawn kawmaykihk akwa aen atoushkaymakuhk awnfors lii lway di piyii keemaa kawpaminuhk la sort aykwawnihi aen ka ki moushtawchik wiyawow.

Aen narchik 20

1. Lii pramyii nawsyoon moond ayowak ooma lii drway chikenawayhtamihk akwa oushistawin wiyawow lee poulichik, manawchischikayhk akwa social aen system keemaa li institutions, aen chikee-pat dawnzhee didawn ooma mweuwawtam ouschi wiyawow soo ayshitoutamihk ouschi pashpiwin akwa ka oushtawhk, akwa meena ane mamawii wiichayhtoowin voulay didawn kuhkiyuw wiyawow soo kaayaash akwa kootaakak manawchischikayhk nakatoohkatewin.
2. Lii pramyii nawsyoon moond mashkemikaywak ouschi wiyawow ayshitoutamihk ouschi pashpiwin akwa ka oushtawhk pakitinikashoowak ishi kwayesh toutawkewin akwa miyeu meeshahikaywin.

Aen narchik 21

1. Lii pramyii nawsyoon moond ayowak ooma lii drway, noohpoo ka awshihiwayh, ishi ooma kawmiyokistayw nawut ouschi wiyawow manawchischikayhk akwa aen social pishkaapahtamowin, meena, kootaaka kaykwawy, didawn ooma tayhkay a l’ikol kawtouhtayhk, atoushkaywin, aen vo¬cational chikishinahamawkayhk akwa keehtwawm chikishinahamawkayhk, en maenzoon, mitouni payhkun, la sawntee akwa aen social kanawayimishowin.
2. States ka-ki outinamwuk aen awpatun la sort akwa, itay nahiyokohk, kischi la sort to aen kayshchinahoo ahkaami kawmiyokistayw nawut ouschi wiyawow manawchischikayhk akwa aen social pishkaapahtamowin. Kischi kawnatouhtamihk ka-ki tipahikatayw ooma lii drway akwa kischi saprawn chi-ayawhk ouschi lii pramyii nawsyoon lee vyeu, lee fam, aen zen, lee zawnfawn akwa en parsonn avek pwawtawishchikayt.

Aen narchik 22

1. Kischi kawnatouhtamihk ka-ki tipahikatayw ishi ooma lii drway akwa kischi saprawn chi-ayawhk ouschi lii pramyii nawsyoon lee vyeu, lee fam, aen zen, lee zawnfawn akwa en parsonn avek pwawtawishchikayt didawn ooma lii zaynplimaan ouschi ooma Weehtamakaywin.
2. States ka-ki outinamwuk la sort, didawn shakamohtawin avek lii pramyii nawsyoon moond, ishi aen kayshchinahoo aykwawnima lii pramyii nawsyoon lee fam akwa lee zawnfawn mweuwawtam ooma kuhkiyaw kenawyimowin akwa kishchinahow pakwatem kuhkiyuw ki sort ouschi la shikaan akwa ka awshihiwayh.

Aen narchik 23

Lii pramyii nawsyoon moond ayowak ooma lii drway ishi kishkayhtakwun akwa oushistawin maawachi kaykwuy ayndawayishchikatek akwa taanishi chi tootamihk poor aen awpachistahk wiyawow lii drway ka ishi oushtawhk. Awn dawn kischi, lii pramyii nawsyoon moond ayowak ooma lii drway ka aen weechihiwayt didawn oushistawin akwa disidee la sawntee, en maenzoon akwa kootaakak manawchischikayhk akwa aen social paaminikaywin ka moushtawchik wiyawow akwa, pikoushpee si posib, aen kawpaminum isti paaminikaywin shawpou wiyawow ouschi li institutions.

Aen narchik 24

1. Lii pramyii nawsyoon moond ayowak ooma lii drway ishi wiyawow kaayaash la michinn akwa chikenawayhtamihk wiyawow la sawntee li prachik, meena ooma mawachihchikewin ouschi wiyawow Kischi la michinn fayuzh, aen alimael akwa li mineral. Lii pramyii nawsyoon pikwawna meena ayowak ooma lii drway ishi peehtikwaywin, noohpoo pikwiitowa ka awshihiwayh, ishi kuhkiyuw aen social akwa la sawntee weechihiwaywin.
2. Lii pramyii nawsyoon pikwawna ayow tout paray lii drway ishi ooma mweuwawtam ouschi mitouni si posib standard ouschi avik lee kor akwa mashkawatishiwin la sawntee. States ka-ki outinamwuk ooma si nisisayr aen step avek aen wawpaschikaytek ka keekashkistahk ayshkum ooma kuhkiyaw nishtawinum ouschi ooma lii drway.

Aen narchik 25

Lii pramyii nawsyoon moond ayowak ooma lii drway chikenawayhtamihk akwa pleu for wiyawow ispray amihayshtoutawin mamaawinitowin avek wiyawow kaayaash ka kii tipayhtahk keemaa wiikiwak akwa apatan la tayraen, li tayritori, diloo akwa li coastal la mayr akwa kootaakak weechihiwaywina akwa meena aen chikanawayhtahk wiyawow soo pishkayimiwaan ishi li tawn ki vyaen awn partawn li moud didawn ooma ka kishchiitaytaakwahk.

Aen narchik 26

1. Lii pramyii nawsyoon moond ayowak ooma lii drway ishi ooma la tayraen, li tayritori akwa weechihiwaywina tawnihi ka ki ayowak kaayaash ka kii tipayhtahk, wiikiwak keemaa apatan keemaa ka ki kaatchitihna.
2. Lii pramyii nawsyoon moond ayowak ooma lii drway kaatipayhtaahk, awpachistaw, oushistawin akwa ka paminuhk ooma la tayraen, li tayritori akwa weechihiwaywina aykwawnima kaatipayhtaahk en rezoon ouschi kaayaash tipayihchikaywin keemaa kootaakak kaayaash atoushkaywin keemaa awpachistaw, akwa meena aykwanihi tawnihi ka ki kaatchitihna.
3. States ka-ki maykiw si la lway nishtawiniwaywin akwa kenawyimowin ishi oohin la tayraen, li tayritori akwa weechihiwaywina. Isti nishtawiniwaywin ka-ki paminikatayk avek rispek ishi ooma aen custom, nakaayashkumowina akwa la tayraen tipayihchikewin aen sys¬tem ouschi lii pramyii nawsyoon moond kanahkatwayemihchik.

Aen narchik 27

States ka-ki oushistawchik akwa awnfors, didawn shakamohtawin avek lii pramyii nawsyoon moond kanahkatwayemihchik, aen miyeu, namoo aashpayimoowin, nahiyokohk, yoohtaynikatayw akwa shawpounawkwun paminikaywin, maykiw nishtawiniwaywin ishi lii pramyii nawsyoon moond la lway, nakaayashkumowina, aen customs akwa la tayraen tipayihchikewin aen sys¬tem, aen nishtawinamowin akwa disidee ooma lii drway ouschi lii pramyii nawsyoon moond didawn kaykwuy ay-ishpayihk ouschi ishi wiyawow la tayraen, li tayritori akwa weechihiwaywina, meena aykwanihin ka ki kaayaash tipayhtahk keemaa wiikiwak keemaa apatan. Lii pramyii nawsyoon moond ka-ayowak ooma lii drway ishi aen weechihiwayw andawn ooma paminikaywin.

Aen narchik 28

1. Lii pramyii nawsyoon moond ayowak ooma lii drway ishi meeshahikaywin, ka ishi ayshitoutamihk aykwawnima meena avek tipahamawkumiwin keema, kiishpin namoo wiya si posib, kwayesh toutawkewin, miyeu akwa nayikoohk tipahikaywin, poor ooma la tayraen, li tayritori akwa weechihiwaywina tawnihi ki ayowak kaayaash ka kii tipayhtahk keemaa wiikiwak keemaa apatan, akwa tawnihi ka ki mashkamihk, ka outinikatayk, wiikiwak, apatan keemaa li damaazh noohpoo wiyawow pakihtanhk, avawn akwa weehhtam la parmisyoon.
2. Kiishpin pikou paray itayhtem chii ki kishkayhtakwun ooma li moond kanahkatwayemihchik, tipahikaywin ka- outinamwuk itowahk ishi la tayraen, li tayritori akwa weechihiwaywina tout paray didawn ka taahkihtayhk, ayspeeschawk akwa si la lway pozisyoon keemaa ouschi larzhawn tipahikaywin keemaa kootaakak nahiyokohk meeshahikaywin.

Aen narchik 29

1. Lii pramyii nawsyoon moond ayowak ooma lii drway ishi ooma mawachihchikewin akwa kenawyimowin ouschi itaykawweekihk akwa ooma boun pour ayshpeeshchawk ouschi wiyawow la tayraen keemaa li tayritori akwa weechihiwaywina. States ka-ki aen oushistawchik akwa awnfors weechihiwaywin paaminikaywin poor lii pramyii nawsyoon moond poor isti mawachihchikewin akwa kenawyimowin, noohpoo ka awshihiwayh.
2. States ka-ki outinamwuk aen awpatun la sort ishi ka kayshchinahoo aykwawnima namoo wiya kaykwuy enaashtaahk keemaa waypinikatayw ouschi riskee apacihchikanaa ka-ay-ishpayihk didawn ooma la tayraen keemaa li tayritori ouschi lii pramyii nawsyoon moond noohpoo wiyawow pakihtanhk, avawn akwa weehhtam la parmisyoon.
3. States ka-ki meena outinamwuk aen awpatun la sort ishi aen kayshchinahoo, ka ayndawayishchikayhk, aykwawnima paaminikaywin poor wawpahchikaywin, chikanawayhtahk akwa meeshahikaywin ooma la sawntee ouschi lii pramyii nawsyoon moond, ka oushistawhk akwa awnforsed ishi ooma li moond ka ayimiihiwew isti apacihchikanaa, aykwanihi aen kwayesh awnforsed.

Aen narchik 30

1. Military nakatoohkatewin ka-ki namoo wiya ay-ishpayihk didawn ooma la tayraen keemaa li tayritori ouschi lii pramyii nawsyoon moond, kiishpin pikou la zhuschis ouschi nahiyokohk li public ninahihtamowin keemaa kiishpin pikou paray itayhtem chii ki kishkayhtakwun avek keemaa ayndawayishchikatayw ouschi ooma lii pramyii nawsyoon moond kanahkatwayemihchik.
2. States ka-ki oushistaw aen awpatuhk peekishkwaytamowin avek ooma lii pramyii nawsyoon moond kanahkatwayemihchik, shawpou nahiyokohk paaminikaywin akwa awn dawn kischi shawpou wiyawow piihkishkwayshtamaakewin li institutions, avawn ka apachishtow wiyawow la tayraen keemaa li tayritori poor mili¬tary nakatoohkatewin.

Aen narchik 31

1. Lii pramyii nawsyoon moond ayowak ooma lii drway chikenawayhtamihk, ka paminuhk, kenawyihtam akwa oushistawin wiyawow ka ishi pimaatishiyaahk listwer, kaayaash kishkayistamowin akwa kaayaash ka ishi pimaatishiyaahk weehhtamakaywin, akwa meena ooma wawpahchikawtaywin ouschi wiyawow sciences, aen technologies akwa ka ishi pimaatishihk, meena en parsonn akwa nishtum ka ki ishinakwuhk weechihiwaywina, la grenn, la michinn, kishkayistamowin ouschi kaykwuya ouschi alimael akwa li fayuzh, peekishkwaywin nakaayashkumowina, chi-ayamihtawk, itashinihikataywin, aen sport akwa kaayaashen game akwa la veu akwa aen performing arts. Akwa meena ayowak ooma lii drway chikenawayhtamihk, ka paminuhk, kenawyihtam akwa oushistawin wiyawow mishikishkaytamowin li byaen meena isti ka ishi pimaatishiyaahk listwer, kaayaash kishkayistamowin, akwa kaayaash ka ishi pimaatishiyaahk weehhtamakaywin.
2. Didawn shakamohtawin avek lii pramyii nawsyoon moond, States ka-ki outinamwuk aen awpatun la sort ishi nishtawinumakewi akwa kenawyihtam ooma ka awpachistawk ouschi oohin lii drway.

Aen narchik 32

1. Lii pramyii nawsyoon moond ayowak ooma lii drway ishi kishkayhtakwun akwa oushistawin maawachi kaykwuy ayndawayishchikatek akwa taanishi chi tootamihk poor ooma oushtawhk keemaa awpachistaw ouschi wiyawow la tayraen keemaa li tayritori akwa kootaakak weechihiwaywina.
2. States ka-ki wiihtamakayw akwa mamaawinitowin didawn miyeu ashpaymouwayt avek ooma lii pramyii nawsyoon moond kanahkatwayemihchik shawpou wiyawow soo piihkishkwayshtamaakewin li institutions poor ishi aen li bout ouma ootihtikoo wiyawow pour aryaen akwa weehhtam la parmisyoon avawn ishi ooma la parmisyoon ouschi pikwiitowa oushistawin ka moushtawchik wiyawow la tayraen keemaa li tayritori akwa kootaakak weechihiwaywina, waawish didawn shakamohtaawin avek ooma ka oushtawhk, ka awpachistahk keemaa awpachistawmohiwaywinouschi mineral, diloo keemaa kootaakak weechihiwaywina.
3. States ka-ki pakitinam aen awpatun paaminikaywin poor kwayesh toutawkewin akwa miyeu meeshahikaywin poor pikwiitowa isti nakatoohkatewin, akwa nahiyikohk la sort ka-outinikatayk ishi ka atipounipayik weenayhtawkoushiwin itaykawweekihk, manawchischikayhk, aen social, aen cul¬tural keemaa amihayshtoutawin ayimiihiwewin.

Aen narchik 33

1. Lii pramyii nawsyoon moond ayowak ooma lii drway ishi kishkayhtakwun wiyawow ouschi nishtawinikashoowin keemaa aen maambr ishi tipaymiwayhk avek wiyawow aen customs akwa nakaayashkumowina. Ooma namoo wiya nakinum ooma lii drway ouschi lii pramyii nawsyoon pikwawna aen kahchitinahk aen citizenship ouschi States didawn ekot ka wiikit.
2. Lii pramyii nawsyoon moond ayowak ooma lii drway ishi kishkayhtakwun ooma ka ishchikatayk akwa aen nawashoonahk ooma aen maambr ouschi wiyawow li institutions ishi tipaymiwayhk avek wiyawow ouschi paaminikaywin.

Aen narchik 34

Lii pramyii nawsyoon moond ayowak ooma lii drway ishi awnkourazhee, oushistawin akwa chikanawayhtahk wiyawow li institutional ka ishchikatayk akwa wiyawow ispray aen customs, amihayshtoutawina, nakaayashkumowina, paaminikaywin, li prachik akwa, didawn ooma ishi nakatoohkewin ita ka ashtayw, si la lway aen system keemaa aen customs, ishi tipaymiwayhk avek misiiweeshkamik en parsonn soo lii drway aen standard.

Aen narchik 35

Lii pramyii nawsyoon moond ayowak ooma lii drway ishi kishkayhtakwun ooma pishkayimiwaan ouschi pikwawna ishi wiyawow a lawntour.

Aen narchik 36

1. Lii pramyii nawsyoon moond, awn dawn kischi aykwanikik tawshkinamouk ouschi misiiweeshkamik la ling, ayowak ooma lii drway chikenawayhtahk akwa oushistawin enn contacts, weechihiwaywak akwa mamaawinitowin, meena nakatoohkatewin poor amihayshtoutawin, aen cultural, lee poulichik, manawchischikayhk akwa aen social rayzoon, avek wiyawow own aen maambr akwa meena kootaakak li moond lout bor la ling.
2. States, didawn wiihtamakaywwin akwa mamaawinitowin avek lii pramyii nawsyoon moond, ka-ki outinamwuk aen awpatun la sort weechihiwayw ishi ooma ka awpachistaw akwa aen kayshchinahoo ooma lii zaynplimaan ouschi omma lii drway.

Aen narchik 37

1. Lii pramyii nawsyoon moond ayowak ooma lii drway ishi ooma nishtawiniwaywin, pishkaapahtamowin akwa la fors ouschi tretee, awn nagrimawn akwa kootaakak awpatun paree ka-ashtawhk pooyou avek States keemaa wiyawow li successors akwa aen ayowak States l’onoer akwa rispek isti tretee, awn nagrimawn akwa kootaakak awpatun paree ka-ashtawhk.
2. Namawkaykwuy didawn ooma Weehtamakaywin aen ki awpatun awnturpretee ishi aen atipoonipayik keemaa ouhpimaen ashtawak ooma lii drway ouschi lii pramyii nawsyoon moond aashtew didawn ooma tretee, awn nagrimawn akwa kootaakak awpatun paree ka-ashtawhk.

Aen narchik 38

States didawn wiihtamakaywwin akwa mamaawinitowin avek lii pramyii nawsyoon moond, ka-ki outinamwuk ooma nahiyikohk la sort, meena lii lway di piyii la sort, ishi keekashkistaw ooma li bout ouschi ooma Weehtamakaywin.

Aen narchik 39

Lii pramyii nawsyoon moond ayowak ooma lii drway aen ayowak peehtikwaywin ishi soo laarzhaan akwa aen technical paaminikaywin ouschi States akwa shawpou misiiweeshkamik mamaawinitowin, poor ooma mweuwawtamowin ouschi lii drway aashtew didawn ooma Weehtamakaywin.

Aen narchik 40

Lii pramyii nawsyoon moond ayowak ooma lii drway ishi peehtikwaywin akwa shaymaak disidee shawpou kwayesh toutawkewin akwa miyeu paaminikaywin poor ooma pwatawimowin ouschi muwnayhitouwin akwa keehkawhtouwin avek States keemaa kootaakak parties, akwa meena aen ishi awpatahk kipihtinikewin poor kuhkiyuw peekounikaywin la lway ouschi wiyawow pikwawna akwa si pa rarw lii drway. Isti aen disidee ka-ki miyayw kwayesh itayihtamowin ishi ooma aen custom, nakaayashkumowina, wiiyasiwatumowin akwa si la lway aen system ouschi lii pramyii nawsyoon moond kanahkatwayemihchik akwa misiiweeshkamik pikwawna lii drway.

Aen narchik 41

Ooma aen ishchikatayk akwa aen specialized la zhawnsree ouschi Enn United Nawsyoon Weechihiwaywin aen system akwa kootaakak namoo li gouvarnimaw mamowwiitowuk ka-weechihiwaywichik ishi ooma kuhkiyaw ka kishkayhtaakwahk ouschi lii lway di piyii ouschi ooma Weehtamakaywin shawpou ooma aen mobilization, kootaaka kaykwawy, ouoschi soo laarzhaan mamaawinitowin akwa aen technical paaminikaywin. Ishi akwa ka ayshitoutamihk ouschi kayshchinahoowin weechihiwaywin ouschi lii pramyii nawsyoon moond li troob ka moushtawchik wiyawow ka-ki aen miyeu oushistawhk.

Aen narchik 42

Ooma Enn United Nawsyoon Weechihiwaywin, soo naawsyoon, meena ooma Naashpichi Naasaamblii ouschi Lii pramyii nawsyoon Li troob, akwa nishtawinakwun la zhawnsree, meena ishi ooma li tayraen aen ishchikatayk, akwa States ka-ki awnkourazhee rispek poor akwa kuhkiyaw apachistawin ouschi lii lway di piyii ouschi ooma Weehtamakaywin akwa pimitishahan ooma ka awpachihtawk ouschi ooma Weehtamakaywin.

Aen narchik 43

Oma lii drway nishtawinakwan didawn ooma e-oushchikawtayk ooma aen pchi braen nawut aen standards poor ooma ka pimawtishihk, aykishchiitaymoowin akwa miyou-ayowin ouschi lii pramyii nawsyoon moond ouschi la tayr.

Aen narchik 44

Kuhkiyuw ooma lii drway akwa aen tipaymishoowin nishtawinakwan didawn ooma aen paray garawnchee ishi aen mawl akwa en fimel lii pramyii nawsyoon pikwawna.

Aen narchik 45

Namawkaykwuy didawn ooma Weehtamakaywin aen ki awpatun awnturpretee ishi atipoonipayik keemaa ouhpimaen ashtawin ooma lii drway lii pramyii nawsyoon moond ka ayowchik keemaa ka ki kahchitinahk didawn ooma li tawn ki vyaen.

Aen narchik 46

1. Namawkaykwuy didawn ooma Weehtamakaywin aen ki awpatun awnturpretee ishi itwaywin poor pikwiitowa State, li moond, en bawnd keemaa en parsonn pikwiitowa lii drway aen mamoowitoohkaamakewin didawn pikwiitowa nakatoohkatewin keemaa aen itootahk pikwiitowa kitatishoowin a laarboor ishi ooma Charter ouschi Enn United Nawsyoon Weechihiwaywin keemaa awnturpretee ishi la paarmisyoon keemaa awnkourazhee pikwiitowa mawhchipayistawin tawnima ka ki pahkan keemaa kishiniwawchihtaw, kuhkiyuw keemaa dawn li awtiht, ooma li territwayr l'ispree keemaa lee poulichik la sawns ouschi li rway akwa namoo aashpayimoowin States.
2. Didawn ooma ka awpachistaw ouschi lii drway ka wiihtamakayk didawn ooma anoush Weehtamakaywin, en parsonn lii drway akwa kischi aenportaan tipaymishoowin ouschi kuhkiyuw ka-ki aen rispek. Ooma ka awpachistawhk ouschi lii drway ka aashtayk didwan ooma Weehtamakaywin ka-ki ayndawayishchikatek pikou isti naakinikaashoowin aykwanihin kishkayhtakwun ouschi la lway akwa ishi tipaymiwayhk avek misiiweeshkamik en parsonn lii drway pishkayimiwawn. Pikwiitowa isti naakinikaashoowin ka-ki ishi noo-paakwatitowin akwa aen strik si nisisayr yaenk pikou poor ooma itapatishiwin aen kenawayhchikatek kwayesh nishtawiniwaywin akwa rispek poor ooma lii drway akwa aen tipaymishoowin ouschi kootaakak akwa poor nakishkamowin ooma kwayesh toutawkewin akwa mitouni aen compelling si nissisayr ouschi aen democratic naawsyoon.
3. Ooma lii lway di piyii ka aashtayk didawn ooma Weehtamakaywin ka-ki awnturpretee ishi tipaymiwayhk avek ooma la varitee ouschi si la lway, democracy, rispek poor en parsonn soo lii drway, toot paray, noo-ka awshihiwayh, miyeu li gouvarneur akwa miyeu ashpaymouwayt.